အိပ်မပျော်ခြင်းရဲ့ အစနဲ့ အိပ်ပျော်အောင်ကူညီပေးနိုင်တဲ့ အရာများ

Insomnia ဆိုတာက နှစ်နှစ်ခြိုက်ခြိုက်အိပ်မပျော်တဲ့၊ အိပ်မောကျဖို့ ခက်ခဲတဲ့ ကျန်းမာရေးအခြေ အနေတစ်မျိုးဖြစ်ပြီး တစ်နည်းအားဖြင့် အိပ်မပျော်တဲ့ ရောဂါ တစ်မျိုးလို့ ဆိုနိုင်ပါတယ်။ သုတေသီတွေ လေ့လာမှုတွေ ပြုလုပ်ပြီးနောက် အဆိုပါ အိပ်မပျော်နိုင်တဲ့ အခြေအနေဟာ ရောဂါခံစားနေရသူရဲ့ ဦးနှောက်က ခန္ဓာကိုယ်ရဲ့ နိုးထနေတဲ့ ဖြစ်စဉ်ကို မရပ်တန့်နိုင်တာကြောင့် ဖြစ်နေတာကို တွေ့ရှိခဲ့ပြီး နောက်ထပ် အိပ်မပျော်နိုင်ဖြစ်ရတဲ့ အကြောင်းရင်းတွေထဲမှာ စိတ်ပိုင်းဆိုင်ရာရောဂါ နှင့် ဆေးဝါးများ၊ ခန္ဓာကိုယ်ရဲ့ ဇီဝလုပ်ငန်းများ၊ အယ်လ်ကိုဟော၊ ကဖိန်း စတဲ့ အစားအသောက်များ၊ စိတ်ကျရောဂါ နှင့် စိတ်ဖိစီးမှုများ စတဲ့အကြောင်းအရာတွေလည်း ပါဝင်နေတယ်လို့ ဆိုပါတယ်။ အိပ်မပျော်ခြင်းရဲ့ အစနဲ့ အိပ်မပျော်တဲ့ ပြဿနာကို စတင်ခံစားလာရတဲ့ အခါ ပထမပိုင်းမှာ သင်ကိုယ်တိုင်လုပ်ဆောင်ကြည့်လို့ရမယ့် ပညာရှင်တွေ အကြံပြုထားတဲ့ အလေ့အထ နဲ့ နည်းလမ်းတစ်ချို့ကို ဖော်ပြပေးချင်ပါတယ်။

အိပ်စက်ခြင်းက ဘာကြောင့်အရေးကြီးရသလဲ

အိပ်စက်ခြင်းက ကျန်းမာရေးနဲ့ ခန္ဓာကိုယ်အတွက် အလွန်အရေးကြီးတဲ့ ဇီဝဖြစ်စဉ်တစ်ရပ် ဖြစ်ပါတယ်။ နိုးထနေစဉ် အသုံးပြုထားခဲ့ပြီးဖြစ်တဲ့ ခန္ဓာကိုယ်ကြီးတစ်ခုလုံးမှာ ရှိတဲ့ အဂါင်္အစိတ် အပိုင်းတွေ၊ တစ်သျှူးတွေ ဆဲလ်တွေဟာ သင်အိပ်စက်နေတဲ့အချိန်အတွင်းမှာ  အသစ်ပြန်လည် ပြင်ဆင်ခြင်းလုပ်ငန်းကို လုပ်ဆောင်ကြပါတယ်။ တစ်နေ့တာအတွင်း ကြုံတွေ့ ခဲ့ရတဲ့ အရာအားလုံးကို သင့်ရဲ့စိတ်က မှတ်ဥာဏ်အဖြစ်ပြန်လည် ဖန်တီးနေတဲ့ကာလလည်း ဖြစ်တာကြောင့် အိပ်စက်ခြင်းက လူသားတွေအတွက် အရေးအကြီးဆုံး ဇီဝလုပ်ငန်းများထဲက တစ်ခုလို့ ဆိုရခြင်းဖြစ်ပါတယ်။
အနားယူအိပ်စက်ချိန်လို့သာ ဆိုပေမယ့် သင့်ရဲ့ ခန္ဓာကိုယ်ဟာ ဒီအချိန်မှာ နုိုးထနေစဉ်ကနဲ့ မတူတဲ့ ၊ သင့်ကို အသက်ရှင်နေစေမယ့်၊ ကျန်းမာနေစေမယ့် အဓိကအရေးကြီးတဲ့ လုပ်ငန်းများကို ဆောင်ရွက်နေရတာ ဖြစ်ပြီး ဒီလိုအရေးကြီးတဲ့ အိပ်စက်ခြင်းကို သင့်ခန္ဓာကိုယ်က အပြည့်အ၀ မရရှိတဲ့ အခါမှာ ပြဿနာပေါ်လာပြီလို့ ဆိုရတော့မှာပဲဖြစ်ပါတယ်။ ခန္ဓာကိုယ်က လိုအပ်တဲ့ အိပ်စက်ချိန် လုံလောက်မှု မရှိတော့တဲ့အခါမှာ စိတ်ဖိစီးမှုကို ဖြစ်စေတဲ့ Cortisol လို့ခေါ်တဲ့ ဟော်မုန်းတွေကို ထုတ်လုပ်လာပါမယ်။ဒါက အိပ်မပျော်ခြင်းနဲ့ ဆက်စပ်ပြီးဖြစ်ပေါ်လာမယ့် အခြားသော ကျန်းမာရေးပြဿနာများစွာရဲ့ အစဖြစ်ပါတယ်။ Cortisol တစ်နည်းအားဖြင့် ဖိစီးမှုဟော်မုန်းဆိုတာက လူတွေရဲ့ Fight or Flight System လို့ခေါ်တဲ့ အလိုအလျောက်တုံ့ပြန်တဲ့ စနစ်အတွက် အလွန်အရေးပါတဲ့အရာပါ။ ရှေးဦးလူသားတွေ ကျားလို့ အန္တရာယ်ရှိတဲ့အရာကိုမြင်လို့ ထွက်ပြေးတာကနေ ယနေ့ခေတ်လူသားတွေ အရှိန်ပြင်းပြင်းလာနေတဲ့ ကားကို ရုတ်တရက် ရှောင်ဖို့ အသိရှိတာက ဒီစနစ်ကြောင့်ဖြစ်ပါတယ်။

Cortisol နဲ့ ပြဿနာ

အထက်မှာဖော်ပြခဲ့ပြီးသလိုပဲ ဖြစ်ပေါ်လာတဲ့ အခြေအနေကို မူတည်ပြီး တုံ့ပြန်မှုပြုလုပ်ဖို့ ခန္ဓာကိုယ်က Stress Hormone အနည်းငယ်လိုအပ်တာမှန်ပေမဲ့ Cortisol လိုမျိုးဖိစီးမှုနဲ့ပတ်သက်တဲ့ ဟော်မုန်းတွေ ခန္ဓာကိုယ်ထဲမှာ မှန်မှန်ထွက်နေတာက အချိန်ကြာလာတာနဲ့ အမျှပြဿနာ ရှိလာပါတယ်။ အိပ်စက်ခြင်း မရှိဘူးဆိုရင် ခန္ဓာကိုယ်က သင်မအိပ်တာဟာ ရုပ်ရှင်ကြည့်နေလို့လား၊ ကျန်းမာရေးကြောင့်လား ၊ပတ်ဝန်းကျင်ကြောင့်လားဆိုတာက မသိနိုင်ဘဲ သင့် ခန္ဓာကိုယ်နုိုးနေတာဟာ  ပြဿနာတစ်စုံတရာရှိနေတယ်လို့ ယူဆပြီး အဆိုပါဟော်မုန်းတွေထုတ်လုပ်မှုကို စတင်မြှင့်တင်လာပါတယ်။ အချိန်ကြာလာတာနဲ့ အမျှ ခန္ဓာကိုယ်ထဲမှာ Cortisol ပမာဏမြင့်မားလာပြီး သင့်မှာ ရေရှည်အိပ်မပျော်နိုင်တဲ့ ကျန်းမာရေး ပြဿနာ ဖြစ်လာတော့မှာဖြစ်ပါတယ်။ အိပ်မပျော်တဲ့ရောဂါနဲ့ ဆက်စပ်ပြီးနောက်မှာတော့ ခေါင်းကိုက်ခေါင်းမူးခြင်း၊ စိုးရိမ်မှုလွန်ခြင်း၊ ကြောက်လန့်စိတ်များလာခြင်း၊ နှလုံးရောဂါများ၊ သွေးတိုးဆီးချိုအစာအိမ်နဲ့ပတ်သက်သောရောဂါများကိုယ်အလေးချိန်တက်လာခြင်းနဲ့အ၀လွန်ခြင်း၊ ခုခံအားစနစ် ယိုယွင်းလာခြင်း စတဲ့ ကျန်းမာရေးပြဿနာတွေ ဖြစ်ပေါ်လာနိုင်ခြေ မြင့်မားလာပါတယ်။

ပညာရှင်တွေ အကြံပြုထားတဲ့ အလေ့အထ နဲ့ နည်းလမ်းအချို့

အထက်ဖော်ပြပါ အရာအားလုံးဟာ အစပထမပိုင်းမှာ သာမန်အိပ်မရခြင်း ကိစ္စသေးသေးလေးကနေ စတင်ဖြစ်ပေါ်လာခြင်း ဖြစ်ပါတယ်။ဒါကြောင့် ပြဿနာတွေ ယာယီအခြေအနေကနေ အမြဲတမ်းဆိုတဲ့ အခြေအနေထိ မရောက်သွားခင်မှာ သင့်ရဲ့ အိပ်မပျော်တဲ့ ပြဿနာကို ဖြေရှင်းနိုင်ဖို့ ကြိုးစားသင့်ပါတယ်။ အိပ်မပျော်တဲ့ပြဿနာကို ရင်ဆိုင်ဖို့ ဆေးဝါးနဲ့ တက်ကျွမ်းသူများရဲ့ အကူအညီကို မယူခင်မှာ သင်ကိုယ်တိုင်လုပ်ဆောင်ကြည့်နိုင်မယ့် ပညာရှင်တွေ အကြံပြုထားတဲ့ နည်းလမ်းတစ်ချို့ရှိနေပါတယ်။

အိပ်ရာစောစောဝင်ခြင်းဖြင့် စတင်ကြည့်ပါ

လွယ်ကူပြီးရိုးရှင်းလွန်းတယ်လို့ ထင်ရစရာပါပဲ။ ဒါပေမဲ့ သင်ပုံမှန်အိပ်ရာဝင်ချိန်ထက် တစ်နာရီခန့်စောပြီး အိပ်စက်ကြည့်ဖို့ ကြိုးစားရပါမယ်။အစပိုင်းမှာ သင့်ရဲ့ အိပ်မပျော်နိုင်တဲ့ အခြေအနေကြောင့် နိုးနေတာမျိုး ဖြစ်ကောင်းဖြစ်နေနိုင်ပေမယ့် သင့်ရဲ့ခန္ဓာကိုယ်ကို သင်စတင်ပြီး တိုက်ပွဲဝင်နေပြီဆိုတာကို သိအောင်လုပ်ဆောင်ဖို့ လိုအပ်ပါတယ်။ ဒါကြောင့် အိပ်ရာစောစောဝင်ပါ။

ပုံမှန်အချိန်ဇယားတစ်ခုဖန်တီးပြီး ဇယားအတိုင်းနေပါ

အိပ်စက်ခြင်းဆိုင်ရာ ပညာရှင်တွေရဲ့ အဆိုအရ နေ့စဉ်ပုံမှန်ဇယားအတိုင်းလုပ်ဆောင်ခြင်းက အိပ်ပျော်ဖို့ ခန္ဓာကိုယ်ကို ကူညီပေးရာမှာ အရေးအကြီးဆုံးလို့ သိရပါတယ်။ လူသားတွေရဲ့ ခန္ဓာကိုယ်ဟာ နေ့စဉ်ပုံမှန်ဖြစ်တဲ့ လုပ်ရိုးလုပ်စဉ်တွေကို သိရှိပြီး အဆိုပါပုံစံအတုိုင်း လိုက်လျောညီထွေဖြစ်ဖို့ ကြိုးစားတတ်ပါတယ်။ သင်မနက်ခင်းတိုင်း နိုးနေကြအချိန်မှာ နိုးလာလေ့ရှိသလိုပဲ အိပ်နေကြအချိန်မှာ အိပ်ပေးရင် ခန္ဓာကိုယ်က အိပ်စက်နိုးထတဲ့ အချိန်စက်ဝန်းကို မှတ်မိလာနိုင်ပါတယ်။ ပုံမှန်အချိန်တစ်ခုမှာ သင်အိပ်ရာဝင်လေ့ရှိတယ်ဆိုရင် သင့်ရဲ့ခန္ဓာကိုယ်ဟာ အိပ်ချိန်ရောက်လာတဲ့အခါ သိရှိပြီး အိပ်စက်ဖို့ စတင်လုပ်ဆောင်ပါလိမ့်မယ်။ ပုံမှန်အချိန်တစ်ခုသတ်မှတ်ပြီး အဆိုပါအချိန်မှာ အိပ်မပျော်နုိုင်ဘူးဆိုတာသိနေရင်တောင် အိပ်ရာဝင်ဖို့ကိုတော့ သင်ကိုယ်တိုင် ကြိုးစားရပါလိမ့်မယ်။

အီလက်ထရောနစ်ပစ္စည်းများကို ညပိုင်းမှာ ပိတ်ထားပါ

ဒါက ယနေ့ခေတ် သင်အပါအ၀င် လူသန်းပေါင်းများစွာ ကြုံတွေ့နေရတဲ့ အိပ်မပျော်ဖြစ်ရခြင်းရဲ့ အဓိက အကြောင်းအရင်းတစ်ခုဖြစ်ပါတယ်။ ဖုန်း ၊ တီဗွီ ၊ တက်ဘလက် ၊ ကွန်ပျူတာ အစရှိတဲ့ အပြာရောင် အလင်းထုတ်လွှတ်တဲ့ အီလက်ထရောနစ်ပစ္စည်းတွေဟာ သင့်ရဲ့ ဦးနှောက်ကို အမှန်တကယ် အနှောင့်အယှက်ပေးပါတယ်။ Cirdadian Rhythm လို့ခေါ်တဲ့ ခန္ဓာကိုယ်ရဲ့ ၂၄ နာရီဆိုင်ရာ ဇီဝနာရီကို အဆိုပါ ပစ္စည်းတွေက ထုတ်လွှတ်တဲ့ အပြာရောင် အလင်းတန်းက ကမောက်ကမ ဖြစ်စေပြီး ညပိုင်းအိပ်စက်ချိန်မှာ လိုအပ်တဲ့ Melatonin ကိုဦးနှောက်က ထုတ်လုပ်တဲ့ ဖြစ်စဉ်ကို အတားအဆီးဖြစ်စေပါတယ်။ သင်က အဆိုပါ အပြာရောင်အလင်းတန်းထုတ်လွှတ်တဲ့ ပစ္စည်းတွေကို အသုံးပြုနေတဲ့အခါမှာ သင်ဟာနေ့လယ်ခင်း နေရောင်ခြည်အောက်မှာ ရောက်နေတယ်လို့ ဦးနှောက်က ယူဆပြီး ညဘက် အိပ်စက်ချိန်အတွက် လိုအပ်တဲ့ ဟော်မုန်းကိုထုတ်လုပ်ပေးခြင်း မရှိတော့ပါဘူး။ဒါကြောင့် သင်လည်း အိပ်မပျော်နိုင်တော့ပါဘူး။ ဒါကြောင့် ညနေပိုင်း ဒါမှမဟုတ် မအိပ်ခင် ၁ နာရီ သို့ ၂ နာရီအတွင်း အီလက်ထရောနစ် ပစ္စည်းတွေကို အသုံးမပြုမိအောင် ကြိုးစားပါ။

လေ့ကျင့်ခန်းပြုလုပ်ပါ

အိပ်မပျော်ခြင်းကို ကုသရာမှာ အစွမ်းအထက်ဆုံးနည်းလမ်းတစ်ခုက ကိုယ်လက်လှုပ်ရှားမှု ပြုလုပ်ခြင်း ဖြစ်တယ်လို့ ပညာရှင်တွေ အခိုင်အမာ ဆိုထားပါတယ်။ ပုံမှန်ကိုယ်လက်လှုပ်ရှားမှု ပြုလုပ်သူတွေဟာ ညဘက်မှာ ပိုပြီးနှစ်နှစ်ခြိုက်ခြိုက် အိပ်ပျော်လေ့ရှိကြတယ်လို့ ပြောပါတယ်။ ကိုယ်လက်လှုပ်ရှားမှုပြုလုပ်တယ်လို့ ဆိုရာမှာ ပြင်းထန်တဲ့လေ့ကျင့်ခန်းတွေကို ပြောနေတာမျိုးမဟုတ်ပါဘူး။ တစ်ပတ်ကို သုံးကြိမ် သို့ လေးကြိမ်ခန့် မိနစ်သုံးဆယ်လောက် လမ်းလျှောက်ခြင်းမျိုးကနေလည်း တူညီတဲ့ အကျိုးသက်ရောက်မှုမျိုးရရှိနိုင်ပါတယ်။ တတ်နိုင်မယ်ဆို မနက်စောစော မှ ကိုယ်လက်လေ့ကျင့်ခန်းလုပ်ဖို့ တိုက်တွန်းလိုပါတယ်။ အိပ်မပျော်တဲ့ ပြဿနာရှိနေသူတွေအတွက် မနက်စောစောမှာ လေ့ကျင့်ခန်းပြုလုပ်တာက ညနေပုိုင်းမှာ ခန္ဓာကိုယ်က အနားယူဖို့ ပိုပြီး အဆင့်သင့်ဖြစ်နေစေနိုင်တာကြောင့် ဖြစ်ပါတယ်။

နံနက်ပိုင်းမှာ နေရောင်ခြည်နဲ့ ထိတွေ့ပေးပါ

ဒါက မနက်ပိုင်းမှာလေ့ကျင့်ခန်းပြုလုပ်သလိုပဲ တူညီတဲ့ သက်ရောက်မှုရှိပါတယ်။ နေရောင်ခြည်က သင့်ရဲ့ နုိုးထစေပြီး ခန္ဓာကုိုယ်ရဲ့ဇီဝနာရီကို တစ်နေ့တာရဲ့ ဘယ်အချိန်ကို ရောက်ရှိနေတယ် ဆိုတာကို သတိပြုမိဖို့ လှုံ့ဆော်ပေးပါတယ်။ဒါက တစ်နေ့တာနိုးထနေဖို့ လိုအပ်တဲ့ ဟော်မုန်းထုတ်လုပ်မှုကို ကောင်းမွန်စေပြီး ဇီဝနာရီရဲ့ ညဘက် Melatonin  ထုတ်လုပ်ဖို့ လိုအပ်မယ့် အချိန်ကိုတွက်ချက်ရာမှာလည်း အထောက်အကူဖြစ်စေပါတယ်။ အကျဉ်းချုပ်အားဖြင့်တော့ နေရောခြည်ဟာ သင့်ခန္ဓာကိုယ်ကို  ဘယ်အချိန်နိုးထနေရမလဲဆိုတာနဲ့ ဘယ်အချိန်မှာ အနားယူရမယ်ဆိုတာကို ပြောပြနိုင်စွမ်းရှိနေတယ်လို့ ဆိုရမှာပါပဲ။

အိပ်ခန်းကို အလင်းရောင်လျှော့ထားပါ

Circadian Rhythm က အလင်းရောင်ရှိသည်ဖြစ်စေ၊ မရှိသည်ဖြစ်စေ ခန္ဓာကုိုယ်ထဲမှာ ၂၄ နာရီ စက်ဝန်းအဖြစ် အလုပ်လုပ်နေတာမှန်သော်လည်း အလင်းအမှောင်ကို တုံ့ပြန်နိုင်စွမ်းရှိသူတွေရဲ့ အိပ်စက်ခြင်းအတွက်တော့ အလင်းအမှောင်ရဲ့အခန်းကဏ္ဍက အရေးပါပါတယ်။ အလင်းရောင်က ညဘက်မှာ ဦးနှောက်ရဲ့ အိပ်စက်ဖို့ပြင်ဆင်တဲ့ ဖြစ်စဉ်ကို ဟန့်တားနှောင့်ယှက်နိုင်တဲ့ သက်ရောက်မှုရှိပါတာကို အထက်မှာဖော်ပြခဲ့ပြီးဖြစ်ပါတယ်။ ဒါကြောင့် သင်အိပ်စက်မယ့် အခန်းဟာ စူးရှတဲ့အလင်းရောင်တွေ မရှိလေလေ သင့်အတွက် နှစ်နှစ်ခြိုက်ခြိုက်အိပ်ပျော်စေနိုင်ဖို့ လွယ်ကူလေလေပါပဲ။ အမှောင်က Melatonin ထွက်ရှိဖို့ကိုလည်း လှုံ့ဆော်ပေးနိုင်ပါတယ်။ သင့်မျက်လုံးက အလင်းရောင်ကိုမြင်နေသရွေ့ သင့်ခန္ဓာကိုယ်က Melatonin ထုတ်ပေးဖို့ အခက်တွေ့နိုင်ပါတယ်။

ကဖိန်းပမာဏကို ဆန်းစစ်ပါ

ကဖိန်းရဲ့အိပ်စက်ခြင်းအပေါ် သက်ရောက်မှုကို သင်သိပြီးသားဖြစ်လိမ့်မယ်လို့မျှော်လင့်ပါတယ်။ မှန်ပါတယ်။ ကဖိန်းဓာတ်ဟာ ခန္ဓာကိုယ်ထဲမှာ ရှိနေသရွေ့ သင့်ရဲ့ အိပ်စက်ခြင်းကို အဟန့်အတားဖြစ်စေနိုင်ပါတယ်။ ဒါပေမဲ့ တော်တော်များများ သတိမပြုမိတဲ့ အချက်က ကဖိန်းဓာတ်က ခန္ဓာကိုယ်ထဲမှာ အချိန်ဘယ်လောက်ကြာအောင် ရှိနေနိုင်သလဲဆိုတဲ့ အချက်ပဲဖြစ်ပါတယ်။ ကဖိန်းက စားသုံးပြီးပြီးချင်း ၁၀ မိနစ်အတွင်း ခန္ဓာကိုယ်ထဲမှာ သက်ရောက်မှုရှိပြီး ၂ နာရီကနေ ၃ နာရီအတွင်းအထိ အာနိသင်ရှိနေနိုင်ပါတယ်။ ဒါပေမဲ့ သွေးကြောထဲမှာတော့ ကဖိန်းရဲ့ သက်တမ်းဟာနောက်ထပ် ၆ နာရီနဲ့ အထက် ထပ်မံကြာမြင့်သွားနိုင်ပါတယ်။ ဒါကြောင့် ညနေ ၄ နာရီမှာ ကော်ဖီသောက်ထားပြီး ည ၁၁ မှာ သင်မျက်စိကြောင်နေရခြင်းဖြစ်ပါတယ်။ ကဖိန်းရဲ့ အကျိုးသက်ရောက်မှုက ယာယီသာဖြစ်တယ်ဆိုပေမဲ့ ခန္ဓာကိုယ်က ဘယ်လိုပုံမှန်ဖြစ်စဉ်မျိုးကိုမဆို ပြောင်းလဲလက်ခံဖို့ အသင့်အနေအထားမှာ ရှိနေပါတယ်။ညနေပိုင်းတွေမှာ စားသောက်ဖြစ်တဲ့ ကော်ဖီ ဒါမှမဟုတ် ကဖိန်းပါတဲ့ အစားအသောက် အဖျော်ယမကာတွေကြောင့် သင့်ရဲ့ ညအိပ်ရာဝင်ချိန် ၄ရက် ဒါမှမဟုတ် ၅ ရက်လောက်ဆက်တိုက် နောက်ကျသွားတာက နောက်ပိုင်း ညဘက်တွေ စောစောအိပ်မပျော်နိုင်တော့ခြင်း ပြဿနာကြီးရဲ့ အစဖြစ်သွားနိုင်ပါတယ်။

Ref; Natural Remedies for Insomnia to Help You Achieve Quality Sleep